BARU-baru tok kemari, Menteri Pembangunan Wilayah dan Luar Bandar, Datuk Seri Mohd. Shafie Apdal madah ke Jalai Sibu tauka Konawit- Kapit endang tetap digaga kerajaan.
Diatok jalai nya dalam peringkat mereka bentuk. Enti nitih ke jako nya, amat meh nyak. Tang maioh penduduk di Kapit enda puas ati serta madah ke jalai nya cuma disebut-sebut ajak tang kerja empai bisi dipeda mata.
Arap ka kitai di Kapit enda dikemula ke agik. Udah lebih 45 tahun merdeka, Kapit ajak tempat di Malaysia enda nyalah baka sempama 'Pulau dalam Pulau'.
Enggai ke rakyat ngeransik, enti ia nyadi. Rakyat baru ga pulai dipesalah ke! Laban enda nyukong kerajaan. Yang penting sama-sama meh kitai berati ke nama utai ti patut digaga kitai. Anang mega kelalu nitih ke ati, maya bepilih hak ngundi nya kena enggau manah.
Taja pin, jalai Sibu -Kapit endang bukti kerajaan bedau memenuhi harapan orang Kapit. Tang peda ari sudut positif, maioh mega pemansang bukai udah digaga kerajaan. Anang enda ingat ke pendidikan, kemudahan klinik enggau utai bukai.
Mantai ke pemedih ati, tauka minta utai tau, tang kena meh jalai ke betul awak ke ia enda makai diri serta rakyat maioh. Nyak ajak....
